Duintasunaz hausnartu du Karmelo Ayestak gurean. Uste du duintasuna gal daitekeela euskalduna izan eta parekoak euskaraz ulertu arren, erdara jotzen dugunean.

Euskara irakaslearen dekalogoa ekarri du Emuneko Txerra Rodriguezek gurera.

GEU euskara elkartearen 25. urtemugari begira jarri da Ane Pedruzo gaurkoan. Larunbatean ospatuko baitu 25. urtemuga elkarte horrek. Igandean, berriz, Oihanederren Hysteron ikuskizuna hartuko dute. Giza harremanen inguruko gogoeta bat, norberaren espazio pertsonala eta gainerako gizakien espazio pertsonalaren arteko tentsioaren ingurukoa.

Katalunia ere Euskal Herria izan ote zen behinola galdetu dio Ainara Mayak bere buruari gurean. Jakina omen da garai batean euskararen herria Pirinio osoan zehar hedatzen zela ekialderantz, toponimiak frogatzen omen du hori. Duela gutxi, egun Huescan kokatuta dagoen  Loarreko gaztelu loriatsua ezagutzeko aukera izan du, Kataluniako Diadatik bueltan zetorrela.

Errigoraren kanpaina berriari erreparatu dio euskararen gizarte erakundeen Kontseiluko Paul Bilbaok. Aurten lelo gisa 'Zubigintza' baliatu izanarekin, bete-betean asmatu dutela iruditzen zaio. Kanpainan parte hartzen duten ekoizleak zoriondu ere egin ditu Bilbaok, ekoizle horiek urratsa egin dutelako euskaldunei produktuen informazioa euskaraz emateko.

EHE Euskal Herrian Euskarazen hausnarketa prozesuan, eragileak izan beharreko garapenaz aritu ziren, Koldo Zaratek gogora ekarri duenez. Garaiotan, ahalik eta EHE indartsuena eta ahaldundutako euskaldun kopuru handiena beharrezkoak direla nabarmendu du.

Hiztegigintzari erreparatu dio Elhuyarreko Hizkuntza eta Teknologia unitateko kide Iker Manterola Isasak.

Aurtengoa, Araban euskarari "bai" esateko urtea dela nabarmendu du Estiñe Astorkiak. Haren hitzetan, Gasteizko Udalak hainbat urte darama ostalaritzan eta merkataritzan euskara sustatzen, eta haiekin elkarlanean ari dira Artezekoak.