|2017/04/24 19:22
"Oierren egoeraz gain, azkenean egoera politiko berria kontuan hartu da"

Bagoaz mugimenduko Emilie Martinek Gomezen zigorra eteteko erabakia "baikorra" dela aitortu du. Asteazkeneko erabakiaren zain, "ebazpenean Euskal Herriaren gehiengoaren aldarria epaileak kontuan hartu izana kontuan hartu behar da".  Martinek nabarmendu du lehen aldia dela horrelako erabaki bat emaiten dela. "Espero dugu euskal presoen askatze prozesuan pausuak emanen dituztela eta salbuespenezko neurriekin bukatuko dutela" gehitu du. Asteazkenean Baionan deitutako ekimenetan parte hartzeko eskatu du Bagoazeko kideak.

Loading player...
|2017/04/18 20:50
"Parlamentuan soilik ez, kalean ere jarraitu behar dugu etxebizitzaren aldeko borroka"

Kaleratzerik gabeko etxebizitza lege bat proposatu du gaur Hipotekak Kalte Eginikoen Plataformak. 11 sindikatuk eta 29 gizarte eragilek bat egin dute proposamenarekin, eta manifestaziora deitu dute apirilaren 26rako. Hau ez da horrelako lege bat aurrera ateratzeko lehendabiziko saiakera,  Iosu Alberdi plataformako kideak eman dizkigu azalpenak. 

Loading player...
|2017/04/06 19:15
"Emakume izateagatik errepresio erantsia du Nekane Txapartegik"

Bilbon Suitzak duen kontsularen parean Nekane Txapartegiri elkartasuna adierazi eta bere egoera salatzeko protesta egin dute. Izaskun Goienetxeak gaitzetsi du "Suitzak Espainiako presioei men egin" eta Txapartegiren estradizioa onartu izana. "Torturak salatu zituen inkomunikazioan, tortura sexistak ere pairatu zituen, ia euskal emakume guztiek bezala" gehitu du Goienetxeak. Halaber, Zuricheko espetxean bizi duen isolamendu egoeraz ohartarazi du. Estradizioa ukatu eta asilo politikoa emateko eskatu diote Suitzako kontsulari.

Loading player...
|2017/04/05 19:36
Euskal presoek ikasteko duten eskubidearen aldeko martxa Osny-ko kartzelara

Bi autobus iritsiko dira bihar goizean Osny-ko espetxera. Kartzela horretan Julen Mendizabal eta David Pla daude. Bi preso hauek zein gainerako euskal presoei ikasteko jartzen dizkieten oztopoak azaleratuko dituzte protesta honen bidez. Martxaren arrazoiak eta helburuak kontatu dizkigu Jon Delgadok.

Loading player...
|2017/03/30 19:37
"Ipar zein Hego, guztiek diote Brexit-a kaltegarria izango dela Irlandarentzat"

Irlandan dabil Josu Juaristi EH Bilduko europarlamentaria, "Brexit"-aren ondoren Irlanda zaikatuko lukeen muga fisikoa ezartzeak zein ondorio kaltegarri izango lukeen ikuskatzen.

 

Loading player...
|2017/03/29 20:10
Zelai Nicolas (Gure Esku Dago): "Luxu bat da dinamika honetan parte hartzea, jendeak ongi daki lan egiten"

Herrietako galdeketen olatua hazten joango da datozen asteetan. Zelai Nicolas Gure Esku Dago ekimeneko bozeramaleak esan digunez "herri galdeketik erabakiak gauzatzen hasi gara, eta modua ere erakusten du". Prozesuak berak "herritarrak ahaldundu eta oso esperientzia aberasgarria" izaten ari dela esan digu. Itun Herritarra ere ari dira jorratzen, herritarren ekarpenekin. Nolabait ekimenaren filosofia jasoko du, "baita erabakiaren inguruko edukia eta nolakotasuna ere". Ekainaren 10ean aurkeztuko dute Itun Herritarra Bilbon, herri mobilizio erraldoiean.

Loading player...
|2017/03/27 19:20
"Azazetako hobi komunean lurperatu zituztenen oroimena"

Frankistek herritarrak bonbardakatu zituztenetik 80 urte betetzen dira aurten. Otxandio, Durango edota Gernika aipa genitzazke. Urteurren horrekin bat eginez, Araban 1937-2017 Oroimenetik Askatasunera izeneko ekimena aurkeztu dute. Julen Diaz de Argotek azaldu digunez, 1937ko martxoaren 31ean, Gasteizko espetxean zeuden preso politikoak Azazetako portura eraman eta han fusilatu zituzten. Gertaturikoa gogoan, ekimen ezberdinak izango dira egun hauetan Arabako hiriburuan.

Loading player...
|2017/03/23 18:06
"Turkiako poliziak atxilotuta eraman du brigadistetako bat eta oso kezkatuta gaude"

Turkiako poliziak Kurdistango Diyarbakir eskualdean dabilen euskal brigada geldiarazi, galdekatu, mihatu eta euretako bat atxilo eraman dutela kontatu digu Haize Atxesburuk. Oso kezkatuta hitz egin digu. Kurduen egun nazionala, Newroz eguna dela eta hango egoera bertatik bertara ezagutzeko joan da euskal brigada. Erdoganen izaera "faxista" oso agerikoa dela esan digu Haizek, eta errepresioa egunerokoa dela bertako kurduentzat.

Loading player...
|2017/03/20 19:16
"Inpunitaterik ez, ardura politikoak Kutxabank auzian"

Kutxabank auzian herri akusazioa osatu dutenen izenean, LABeko Urtzi Ostolazagak "pozik" hartu du auziperatuak zigortu izana, nahiz eta euren zigor eskariak baino apalagoak izan kondenak. Pozik ere sententzian frogatu delako "faborezko tratua, interes politikoak" egon direla nahastuta. Alabaina, "ardura politikoak" eskatzen jarraituko dutela esan digu Ostolazagak eta antzeko kasuak baleude, horiek azaleratzea dutela xede. "Herritarren esku egon behar luketen Euskal Kutxen likidazioan atzera egiteko" aldarrikatu du.

Loading player...
|2017/03/20 09:51
“Frantziako gobernuari proposatzen diogu berarekin egitea armagabetzea”

Txetx Etxeberrik gurean berretsi du apirilaren 8an ETAren arma guztiak desamntelatuak izanen direla, armagabetzea bukatua izanen dela. Apirilaren 8ra bitarte errepresio motarenbat jasan ote dezaketen galdetuta, armagabetzea gauzatzeko ardura asumitu dutela esan digu, ondorio potentzial guztiekin.

Loading player...
Orria 1/ 18