Mikel Begoña|2018/06/20
Guardasolpetik Gomendioak

Guardasolak oraindik zabalik daude baina, badator uda, eta udagaz batera badator opor garaia ere. Hondartza edo etxean lasai,  komikiak irakurtzeko garaia ezin aproposagoa dugu uda. Zer irakurri bada. Euskal komikigintzaren erakusleihoan agertu dira dagoeneko hainbat nobedade  interesgarri, eta honek erakusten du azken urteetako martxa ez dela izan kasualitatearen ondorioa, ez, euskarazko komikigintza egonkortu eta sendotuz doa urterik urte.

Loading player...
Mikel Begoña|2018/05/23
Vinhetas do Pais Pasco

Asteburu honetatik aurrera Portugaleko Alentejo eskualdean kokatzen den Beja hirian , Nazioarteko XIV. Komiki jaialdia ospatuko da (XIV. Festival Internacional de BD de Beja). Urtean zehar hiri lasaia izan arren, egunotan komikiaren aitzakian guztiz eraldatzen da Bejako izaera, mundu mailako bederatzigarren artearekin zerikusia duten ikuskizunak eta erakusketak antolatzen baitira hirian.

Loading player...
Mikel Begoña|2018/04/25
Karikaturagile errimearen seme-alabak

Ehun urte bete dira apiril honetan Teles eta Niko sortu zirela. Euzko-Deyan, 1918ko apirilaren 1ean agertu ziren lehenengoz eta euskarazko komikigintzak eman dituen lehen pertsonaia finkoak izan ziren.

Loading player...
Mikel Begoña|2018/04/04
Bhimayana: ukiezin baten bizipenak

Indian sortzen diren albisteak ez dute kasik oihartzunik gurean. Astelehenean Indiako hirietan sekulako liskarrak eta hildako ugari izan dira, baina mendebaldeko komunikabidetan  ia ezer ez da agertu. Eguraldiari buruz hitz egin zen batez ere,  askoz politagoak baitira zeruko kontuak lurrekoak baino. Baina Indiak mundu mailan daukan pisua gero eta handiagoa da, munduko populazioaren seiren bat Indian bizi da gaur, eta munduko estaturik populatuena izateko bidean jarri da, Txinari aurrea hartzeko bidean.

Loading player...
Mikel Begoña|2018/03/21
Robinson Kursaalean

Daniel Defoek bere Robinson idatzi zuenean, ez zuen sekula pentsatuko bere liburua hainbat hizkuntzetara itzuliko zenik, ezta bere nobelak hainbeste egokipen eta hainbeste interpretazio eragingo zuenik ondorengo mendeetan. Daniel Defoeren liburua literaturaren historian ezinbesteko klasikoa aspaldi bihurtu zen.

Loading player...
Mikel Begoña|2018/02/27
81a ez da zenbaki borobila baina…

Datorren astelehenean, martxoaren 5ean Matxitxakoko itsas guduaren urteurrena beteko da larogeitabatgarrenez. Eusko Itsas Gudarosteko itsas armadako bou edo bakailao ontzi euskaldunek aurrez-aurre borrokatu zuten Canarias gurutze-ontziaren kontra. Kanoikada, zauritu eta hildakoak izan ziren eta azkenean Nabarra bouko ofizialek eta tripulazioko kide batzuk nahiago izan zuten ontziarekin batera hondoratu errenditzea baino.

Loading player...
Mikel Begoña|2018/01/31
Badira berrogeita bost Angulema

Angulemako jaialdiaren edizio berri bat joan da. Hotza (benetako hotza) eta euri zaparraden artean zabaldu zen jaialdia ostegunean, azkenean eguraldia errukitu zen ordea, eta oskarbi eta eguzkitsu bukatu da aurtengo edizioa. Angulemak daukan ezaugarrietako bat bere neguko eguraldi gordina izaten baita. Han izan gara egun batzuetan gu ere eta urteroko edo aspaldiko lagunak agurtu ditugu, bai, stand eta erakusketa batzuk ikusi ere ikusi ditugu, komiki batzuk erosi… baina esan behar da Angulemak eskaintzen duen guztia bere osotasunean, ezin dela erraz azaldu.

Loading player...
Mikel Begoña|2017/11/27
2017.ko hogeiak

Orain hamar bat urteko galdera hau zen, bada euskal komikigintzarik? Gaur egun badakigu euskarazko komikigintza badela eta gainera bere sasoirik oparoenetako bat bizi duela. Aurten azaroaren bukaera arte 20 titulu argitaratu dira.

Loading player...