Atseden eta eguzki bila Kataluniara joan da Karmelo Ayesta, Aste Santuko oporretan, eta ongi etorri zaio giro berrian murgiltzea.

OEE Osasungoa Euskalduntzeko Erakundearen 27. biltzarra egin berritan, antolatzen aritu direnak zoriondu ditu Iñaki Peñak.

Aurtengo Arabako bertsolari txapeldun Oihane Pereari 'Berria' egunkarian egindako elkarrizketari heldu dio Manex Agirrek. Ane Zuazubiskar kazetariak erabaki baitzuen Pereak gaztelaniaz botatako esamolde bat bere horretan argitaratzea elkarrizketan.

20. Korrika bukatu zenetik egun batzuk igarota, Euskal Herriari eskerrak eman dizkio AEK-ko Mertxe Mugikak gaurkoan. Inoizko ediziorik indartsuena izatea pozgarria dela nabarmendu du, eragileak, herritarrak eta administrazioa batzen asmatu dutelako.

Euskararen egoera minorizatuak hizkuntza ohituretan duen eraginari heldu dio Iñaki Eizmendik. Zehazki, gurasoek euskaraz egin arren, erdaraz erantzuten duten seme-alaben kasuari erreparatu dio.

Joan den martxoaren 8an argitaratutako Iruñeko Udaleko plantilla organikoari erreparatu dio Administrazioan Euskaraz Taldeko Joseba Otanok. Salatu du biztanleen arteko euskaldunen edo euskaldun hartzaileen proportzioa baino baxuagoa dela lanpostuetako euskarazko hizkuntza profila.

Guztiok egunero kontsumitzen dugula ekarri du gogora Hizkuntza Eskubideen Behatokiko Garbiñe Petriatik. Kontsumitzea bizi kalitatearekin lotzen dugula iruditzen zaio, eta zabaltzen ari diren kontsumo ohitura berriei erreparatu die.

Garabideren izenean, EMUN kooperatibako Berrikuntzarako zuzendariak kolaboratu du gaurkoan.