Alegia, txapela irabazi zuela jakin zuenean bere buruari honakoa esan ziola Pereak: “La que he liado”. Agirreren ustez, azertu handia da hitzez hitz eta jatorrizko hizkuntzan jaso izana esapide hori. Irakurri zuenean, ez zion atentziorik eman eta ez zaio iruditu inguruan ere zalapartarik sortu duenik. Hala ere, irudikatu ditu "perfil zehatz bateko euskaldunak" asaldatuta. Eta horiei esango liekeenaz ere hausnartu du: "Berreuskalduntze-prozesuak ez direla zerotik hasten, eta zulatu dezala bere isolamendu-kapsula, on egingo diola".