Jende askok esan izan omen dio Alex Artzelusi euskarazko testu zaharrak irakurtzeak ez duela balio, ia denak erlijio katolikoari buruzkoak direlako. Artzelus ados dago horretan, baina ez du uste euskaraz idatzi den guztia erlijioaren ingurukoa denik. XVI. mendean, adibidez, Bernat Etxepareren poemetan sexuaren inguruko xehetasunak topa daitezkeela nabarmendu du Artzelusek, Etxepare abadea izan arren. Badira, ordea, garai hartako poema gehiago maitasun istorio konplikatuei buruzkoak ere. Baita neska gazteen ikuspuntutik idatzitakoak ere, emakumeak erabat bazterturik zeudela kontuan izanda.

Antxeta irratiko Maia Muruagak Ezpeletako 'Jokoz kanpo' festibalaz eta Radiokulturakoek tradizioaren eta sormenaren Baionako mintzaldiaz hitz egin digute gaurko irratien tartean. Xabier Izagak 'Gaur8' astekariaren biharko alea aurreratu digu, bereziki, Jose Angel Oriaren erreportajea, Frantzian sexualki jazartutako emakumeen mugimenduaz.

Euskararen bueltan esaten direnak kontuan izanda, gehien borrokatu beharreko aurreiritziak zein izango liratekeen galdetu digu Kike Amonarrizek.

AEBetako gobernuak bultzatutako ikerketa batek hautsak harrotu ditu. Izan ere, mugikorren erradiazioak sagu eta arratoiei minbizia eragiten diela ondorioztatu du ikerketa honek. Nahiz eta 2017ra arte luzatuko den azterketa zabalago baten parte izan, lehen emaitzen berri ematea erabaki dute, gaiak gizartean interes handia eragiten duela aintzat hartuta. Interesa ez ezik, ordea, kezka ere eragin du, eta baita galderak ere adituen artean.

Beleixe Irratiko esatari Maider Beteluren eskutik Sakana aldeko kontuen berri izan dugu. Ondoren, Aitor Kaltzakorta eta Oier Imazekin tertulian murgildu gara, eta joan den igandetik Donostiako Gipuzkoa plazan dagoen Gipuzkoa Zutik mugimenduaren sinbolismoaz hausnartu dugu.

Nafarroako Gobernuak orain arteetan iluntasunean zokoratu nahi izan dituen euskaldunei erreparatu die Euskararen Gizarte Erakundeen Kontseiluko Paul Bilbaok.

Radiokulturako lagunek Donibane Garaziko gaztetxeko 'Festigaga' gaualdiaz egindako elkarrizketa ekarri dugu irratien tartera. Ipar Euskal Herriko hirigune elkargo bakarra posible izateko abian jarri den gidaritza batzordeari buruz Euskal irratietako lagunek Daniel Olzomendirekin jorratutakoei ere egin diegu lekua.

Aramaion bizi da Manex Agirre eta bertako herritarrak harro daude Aramaio UEMA Udalerri Euskaldunen Mankomunitateko herria delako.