Athleticek ligako bosgarren titulua eskuratu du bidean izan dituen oztopo guztiak gaindituta eta denboraldi ikusgarri bat burututa. Izandako lesio ugariei nortasun handiarekin egin die aurre, ororen gainetik talde bat dela erakutsiz. Jokaturiko 29 partidetatik 25 irabazi ditu, 3 galdu, eta bakarra berdindu. Halaber, 13 gol baino ez ditu jaso. Kirol Leihoan izan dira Joseba Aguirre entrenatzailea, Iraia Iturregi kapitaina eta taldeko zutabe garrantzitsuenetariko bat den Irene Paredes.