Tradizioa eta euskal kultura, aktualitatearen errepaso kritikoa eta literatur kritikak
Antxeta irratiko Maia Muruagak Ezpeletako 'Jokoz kanpo' festibalaz eta Radiokulturakoek tradizioaren eta sormenaren Baionako mintzaldiaz hitz egin digute gaurko irratien tartean. Xabier Izagak 'Gaur8' astekariaren biharko alea aurreratu digu, bereziki, Jose Angel Oriaren erreportajea, Frantzian sexualki jazartutako emakumeen mugimenduaz.
Tradizioa eta euskal kultura, aktualitatearen errepaso kritikoa eta literatur kritikak
Haziak egitasmoaren baitako 'Igel marroitxo' ipuinari ahotsa jarri diote Etxegiroan proiektukoek, eta Nora Barrosori esker gurera ekarri dugu. Mikel Elorzak egiten duen aktualitatearen errepaso kritikoan, hondakinen kudeaketaz, Mohamed Abdelazizen heriotzaz eta Frantziako grebez hausnartu dugu. 111 Akademiako Amaia Goikoetxeak Jasone Osororen '12etan bermuta' eta Jose Enrike Urrutia Capeauren 'Jururú' liburuez hitz egin digu. Txapa irratian eta Ttiklik guneko Itxaro Mendizabalek bullyinga prebenitzeko jardunaldiez esandakoak ere ekarri ditugu. Amaitzeko, Txirritaren heriotzaren 80. urtemugaz Xorroxingoek egindako erreportajea izan dugu entzungai.
