Astorroxa gure umore tartean eguraldiari begira jarri gaitu Onintza Enbeitak, zehazki esanda EITBn eguraldiak hartzen gehiegizko lekuaz nazkatuta agertu zaigu, "neguan elurra egitea eta udan bero egitea gauza anormaltzat jotzeraino" dio. Aktualitatearekin lotutako beste zenbait errealitate ixiltzeko taktika izango ote da?

Lumi bikotea ezagutu dugu gaur, Nahia Zubeldia ziburutarrak eta Manu Matthys donibane lohitzunetarrak osatzen dutena. Batak ahotsa, gitarra eta pop ukitua jartzen du besteak berriz, soinuak eta musika elektronikoa. Disko berria kaleratuko dute aurten.

Asteko argazkiak atalean ihauteri giroan murgildu gaitu Bostok Photoko Gari Garaialdek. Berak bereziki gustuko ditu aste honetan Ituren eta Zubietan ospatu diren ihauteriak eta bertan izan da. Antzeko irudiak ekarri dizkigu ordea Europako beste txoko batzuetatik ere.

"Atte hil aurretik" antzezlana ezagutu dugu gaur Miren Tirapu aktore eta protagonistarekin. Zuzenketa lanetan aritu da, aldiz,  Miren Etxekopar. Tirapuk aitortu digu "aldaketa dezente egon dira hasieran nuen ideiatik, gaur oholtza gainean defendatzen dudanera", baina bada zerbait hasieratik zuena garbi: amonaren baserria eta bertako harategia izango zirela antzezlanaren oinarria.

Antxeta Irratiak eta Oiartzun Irratiak elkarlanean egiten dute hamabostero Amapola Morea. Emakumea lehen lerrora eramateagatik jaso dute saria, besteak beste.  Izan ere, saio bakoitzean, emakume bat da protagonista, eta ordu luzeko elkarrizketa hurbil eta atseginak egin ohi dituzte. Saria jaso eta egindako hitzartzean erakutsi bezala, umorerik ez da falta Amapola Morean saioan. Info7 irratian ere baduzue Amapola Morea aditzeko aukera, astelehenetan 19:00tan (hamabostero). 

Blues doinuak ekarri ditugu gaur gurera Starblues taldearekin. Berriki aurkeztu dute "Gu geu" diska. Bluesa amerikar doinua izan arren, euskaraz abesten dute, alegia, "euskal bluesa abesten dugu guk" esan du gurean Jon Barrerosek. Barreros  taldeko ahots nagusia eta gitarra da eta ez da estudieoetara bakarrik etorri: gitarra ere ekarri du, eta zuzenean eskeini dizkigu hainbat kantu.

Igandean amaituko da Biarritzen ospatzen ari den FIPA ikus entzunezkoen nazioarteko jaialdia. 30. edizioa du eta Kanada da aurten herrialde gonbidatua. Europako jaialdi erreferente bat izan arren, ezagutzen al dugu Euskal Herrian? Jon Garmendiak gerturatu gaitu hara.

San Sebastianen ondorenarekin etorri zaigu gaur gure "Dolox" Astorroxa tartera. Aurten, betaurreko moreak jantzita irten da kalera eta gauza asko deskubritu ditu, bronka hainbat ere izan ditu, tartean bere semearekin onddo kroketak egin ez dizkiolako soziedaderako. Bere ametsa zein den ere kontatu digu: izadan zuzendari nagusia izatea.