700,5 punturekin, Miren Amuriza gailendu da Zallako saioan, finalerdietarako zuzeneko sailkapena lortuz. Jone Uriak, 662 puntu; Odei Barrosok 650; Onintza Enbeitak, 640,5; Eneko Abasolo “Abarkas”ek 615,5 eta Oihane Pereak, 591,5 puntu lortu dituzte. Bertsolari Txapelketa Nagusiko hurrengo saioa, bihar, igandea, Zumaiako Aitzuri pilotalekuan.

Oraindik Seguran eginiko saioaren liseriketarekin ari bada ere, "poztasuna" duela esan digu Jon Martin oiartzuarrak. 673,5 punturekin nagusitu zen Segurako kanporaketan. Saio serioa egin zuela uste du Martinek, bai gaien aldetik eta baita lehen fasea pasatzeko zuen erronkagatik ere. "Lotuta aritu nintzen, baina gustura nago". Bastidako oholtzan arituko da Jon Martin. "Ez naiz faborito izango" iritzi dio eta beraz "hegalak askatzeko" asmoa du bertsolariak.

Oihana Iguaran gailendu zen Leitzako kanporaketan. 714 puntu erdietsita Durangoko saiorako sailkatu da. Pozik mintzatu zaigu igandean egindako saioarekin, betez ere Agin Laburu eta Iñaki Apalategi oso goitik aritu zirela uste duelako. Lan guztietan zerbait esatea zuen helburu Iguaranek.

Ederra izan da Leitzako finalaurrekoa. Sarrerak bukatuta, 1.210 lagunek bete dute udal kiroldegia. Baita berotu ere, bertsolarien izerdia lekuko. Herrira ere zabaldu da giro aparta.

Jon Martin oiartzuarra, 673,5 puntu bilduta, nagusitu da Seguran jokatu den Bertsolari Txapelketa Nagusiaren bigarren saioan eta finalaurrekoetarako txartela eskuratu du.

2017ko Bertsolari Txapelketa Nagusia martxan da eta Alaia Martin oiartzuarra izan da lehendabiziko sailkatua 712 punturekin.  Gurekin izan dugu gaur Alaia Martin, pozik Baigorrin egindako lanarekin, lasai ikusi zuela bere burua. Zortziko handian eta hamarreko txikian egindako lanekin geratu da hasebeteen. Saioa gertutik jarraitu zuen Jon Garmendiarekin ere hitz egin dugu, saioaren inguruko zertzeladak eman dizkigu baita bertso nabarmengarrienak aipatu ere.

«Ez da kontu sinbolikoa, ezta indar erakustaldi bat. Errealitate baten isla da, bertsolaritza bizirik baitago eremu horietan». Euskararen lurralde osoan izango da Bertsolari Txapelketa Nagusia lehen aldiz. Larunbat honetan ekingo diote bertsolariek lehiari, eta abenduaren 17an abestuko dituzte azken errimak BECen. 43 partaide izango ditu orotara txapelketak; 30 izango dira gizonezkoak, 13 emakumeak.