Revolutionary Grooves saioan funky breaks doinuak nagusitu dira, artista eta talde hauekin: Miguel Lopez, Gordons War, Kaygees, Cold Blood, Lee Field, Tempo, F.B.I., Jimmy Douglas, Breakestra, T3 radaiance, Melvin Rodinson, John Grey, Osaka Monorail, Orange Krush, Cotton Candy…

Bihar elkartuko da Espainiako Segurtasun Nuklearreko Batzordea Garoñako zentral nuklearraren aztertzeko. Gaur Batzordea zentrala irekitzearen alde dagoela dioen dokumentua zabaldu da. EH Bilduko parlamentari Mikel Oterok azaldu du "irizpide teknikoetan baino, irizpide politikoetan" oinarritzen dela txostena. Batzordea PPk izendatutako hiruk eta PSOEk izendatutako bik osatzen dute. "Kalea aktibatu eta euskal erakundeek ekintza zehatzak egiteko" proposamena du EH Bilduk, eta horiek aipatu dizkigu Oterok.

Halabediko Igor Goikolea eta Esan Erran irratiko Lur Gil batu dria gaurko irratien tartera eta Arabako zein Basaburua eta Ultzamako aktualitatearen berri ekarri dute.

Euskal kantugintza atalean trikitixari erreparatzen diogu Maixa Lizarribarrekin. Gaurkoan, 90 hamarkadan zentratu gara "trikipop" bezala ezagutu zen fenomenoa aztertzeko. Maixa eta Ixiar, Alaitz eta Maider, Imuntzo eta Beloki, Gozategi...diskoen urtea ere izan zen.

Chrysallis-en kanpainak errealitate bat jarri du begien aurrean, zakila duten neskak eta bulba duten mutilak daudela. Eta horrekin batera transexualitateak beste galdera bat eginarazten digu, genitalek ez badute generoa eraikitzen, nola eraikitzen da generoa? Zeren arabera gara emakume eta gizon? Ana Ramirez de Ocariz eta Elena Jimenez sexologoekin hitz egin dugu.

Eneritz Zabaleta eta Goizeder Taberna batu ditugu tertulian Euskal Elkargoari begira jartzeko. Lehendakaria izendatu berritan zein dira eman beharko dituzten hurrengo urratsak? Zein dira erronka nagusiak?

Nazioarteko nobedadeen artean, Brasilgo Sepultura taldearen "Machine Messiah" diskoa izan dute protagonista. Deserted Fear, Anaal Nathrakth, Darkend eta Abductum banden berriena ere eskaini dute

Hizkuntza baten berreskurapenaren eskemaz Txepetxek egindakoa ekarri du gogora Manex Agirrek: ezagutza, erabilera, motibazioa. Hizkuntzen hiru dimentsio omen dira horiek, hiztunon barruan daudenak, elkar elikatzen direnak eta bizirauteko zein indartzeko funtzioa dutenak.