NGsamples -eko bisita jaso dugu, gaur, 8. rounda, a ze marka! Bisturia hartu eta tripak ireki dizkiegu Negu Gorriak taldeak egindako abestiei. Eta hara! Urko Rodriguezek eta Arkaitz Sagastik aurkitu dituzte erabilitako sanpleen jatorria. James Brownen inguruan ere hitz egin dugu, "Funky Drummer" kantuan taldeko baterijolearen soloa  mundu mailan gehien erabili den sanplea baita. Berriki hil da Clyde Stubblefield baterijolea, bere solo arrakastatsuaren truke sekula zentimorik jaso gabe, James Brownek bete zituen poltsikoak.

Martxoak 8 Emakumearen Nazioarteko Eguna dela eta "Martxo Morea" antolatu dute Alegiko herrian, eta xehetasun guztiak eman dizkigu Amaia Jimenez Alegiko gizarte zerbitzuetako zinegotziak. Erakusketak, dokumentalak, antzerkia, hitzaldiak edo tailerrak. Erpin askotatik landuko dute aurten M8a Alegin. Hemen egitaraua. 

Bertso batekin eman dio sarrera gaur ere Ane Labakak gaurko tarteari. Gai jartzaile munduaz aritu gara gaur "bertsolaria luzitu dadin ezin besteko figura da gai jartzailearena, eta ez zaio merezi duen baina nabarmendu du azken aldian inoiz baino presenteago dagoela gaia. Eta horren adibide bertsoa.eus atarian Josu Goikoetxea eta Maite Berriozabal gai jartzaileei egindako elkarrizketa. Goikoetxeak esandakoak kontutan hartuta, Maite Berriozabal elkarrizketatu dugu eta hausnarketa polita egin egoeraren inguruan. 

Hamar urte baino gehiago daramatza musikaren munduan Maria Riverok; Apurka, Siroka eta Hutsa taldeetan aktiboko parte hartu du. Orain ordea, bere bakarkako proiektua jarri du martxan "Kintsukoroi" izenekoa. Kantu bat zuenean jota aurkeztu digu lan berria. Berta Caceres gogoan egindakoa ere entzun ahal izan dugu.

Hala harrapatu ditugu Giussepe Olaizzola gure opera kritikoa eta bere astoa eta mandoa Astorroxa umore tartean. Moskura iritsi berritan bi opera proposamen egin dizkigu Olaizzolak. Iraultza eta maitasuna nahastu zaizkigu gaurko tartean.

Hika Teatroaren "Kuaderno Zuri" antzekia ikusteko aukera izanen da ostiral honetan Andoaingo Bastero Kulturgunean. 3 emakume dira protagonista, ama eta bi alaba. Bizitzak oso bide ezberdinetik eraman ditu baina. Martxoak 8 eguna dela eta aukera bikaina obra hau ikusteko. Miren Gojenola aktore protagonistetako bat da eta berekin hitz egin dugu. 

Euskal kantugintza atalean Rafa Rueda musikariaren hastapenetara begira jarri gaitu Jon Eskisabelek, bere proiektua izan zen "Broken bihotz" taldera begira. 1990an sortu zen Mungian eta 94an desagertu. Ordutik PiL.T. taldean zein bakarkakoan aritu da Rueda.

Altsasuko iñauteriei begira jarri gara gaur, egun handia baitute bertako herri iñauteriek. Momotxorroak dira pertsonaia nagusiak baina badira gehiago ere (maskaritak, sorginak, Juan tranposoa, artzaiak...). Gero eta parte hartzaileagoak dira eta gizon zein emakume ez da bereizketarik egiten. Hala azaldu digute Raul Barrena eta Naiara Urkijo altsasuar iñauterizaleek.