Iruñeko haurreskolen gaiari heldu dio Hizkuntza Eskubideen Behatokiko Garbiñe Petriatik.

Iaz zendu zen Eduardo Galeano idazlearen esaldi bati tira egin dio Ainara Mayak, utopiak ibiltzeko balio duela esan baitzuen behin Galeanok. Horretarako balio behar omen liguke euskaldunoi Euskal Herri euskaldun eta askea amesteak ere, helmugarako bidea egiteko.

Interneten saltseazen zebilela, UEMA Udalerri Euskaldunen Mankomunitateak euskararen biziraupenerako eginiko dekalogoa topatu zuen Leire Narbaizak. Bertan aipatzen diren hamar gomendioak egokiak eta oso beharrezkoak iruditzen zaizkio Narbaizari, baina zer pentsatua ere eman diote.

Euskararen biziberritzeak izandako bilakaerari heldu diote Jone Goirigolzarrik eta Xabier Landabideak. Orain arteko fasean, ezagutzari garrantzia eman zaiola uste dute, baina euskara dakiten askok une askotan ez erabiltzea oztopo bihurtu dela.

Azken aldian, euskararen egoeraz nahiz etorkizunaz eztabaida pil-pilean dagoenaren ustea du Azkue fundazioko Angeriñe Elorriagak: administraziotik sustatutako euskara politikez, Nafarroako hezkuntzaz, Txantxangorriaren kanpainaz, EiTBk euskal hiztunekiko duen jokabideaz...

Errefuxiatuen krisia komunikabideetako gai zentrala bihurtu den honetan, gaiaz eskaintzen diren ia ikuspegi guztiak oso larriak dira Petra Elserren ustez. Hala ere, aipatzekoa iruditu zaio Alemanian errefuxiatuek hizkuntza ikasteko eskaintzen diren aukera berriei arreta jartzea. Lan munduan alemana erabiltzeko egokitu diren testu liburu eta ikastaroez gain, teknologian egin diren aurrerapausoak nabaremendu ditu, Netzwerke ataria horien artean. Proiektuaren integraltasuna iruditzen zaio interesgarriena Elserri, enpresak eta langileak inplikatzen direlako hizkuntza ikasteko prozesuan. Hala, euskararen irakaspenerako baliagarriak izan daitezkeen gakoak proposatu ditu Elserrek.

Hizkuntza kooperazioaren onurez ohartzeko hainbat galdera planteatu dizkigu Garabideko Andoni Barreñak. Hizkuntza gutxituetako komunitate indigenekin esperientzia elkartrukatu nahi dute, Euskal Herriak herri gisa metatutako jakintza partekatu eta besteengandik ikasteko aukera baliatu. Eskaintzeko daukaguna euskara biziberritzeko esperientzia izan daiteke, Barreñaren ustez, baina komunitate indigenengandik asko ikasteko aukera ere badugu.

Euskal Herrian martxan dauden herri proiektuei esker bidea egin dela eta egiten jarraitzen dela uste du Nestor Estebanek. Hala ere, lortu nahi dugun helburuetara iristeko ez dela nahikoa iruditzen zaio. Azken urteotan, behin eta berriz errepikatu baita egindako bideak sabaia jo duela. Hargatik, hori gainditu behar dela uste du Estebanek, aipaturiko herri proiektuak alde batera utzi gabe: orain arteko mezu eta ideiak berritu eta egokitu behar direla. Horren harira. EHE Euskal Herrian Euskarazek antolatutako Hizkuntzaren aktibismoa tailerrak gomendatu dizkigu.