Duela gutxi soziolinguistikako ikastaro batean ikasitakoak entzuleekin partekatu nahi izan ditu Alex Artzelusek. Hizkuntzaren prestigioa bizirauteko garrantzitsua dela nabarmendu du, hasteko, eta telebistan inozokeriak esaten dituzten prestigiodunen hizkuntza ez dela gurea gaitzetsi du.

Kanboko eta Tolosako ikastoletako haurrak trukea egiten ari dira, Kanboko Xalbador Kolegioko ehun bat ikasle Tolosako Laskorain ikastolakoen etxeetan dira egunotan, Aiora Zulaika katxiporretarrarenean, besteak beste. Euskararen erabilera indartzeko nahiz Euskal Herriaren ezagutzan sakontzeko interesgarria da trukea, Zulaikaren hitzetan.

Nazioarteko 'Korrikei' begira jarri da Kike Amonarriz gaurkoan.

Egunotan, hizkuntza gutxituen alde lanean diharduten eragileekin biltzeko aukera izan du euskararen gizarte erakundeen Kontseiluko Paul Bilbaok, besteak beste, Irlandan gaelikoaren alde dihardutenekin.

Euskal osasun sisteman erdarak agintzen duela salatu du Aitor Montes familia medikuak.

Aste Santuko oporretan seme-alabekin izandako pasadizoen berri ekarri du Manex Agirrek. Izan ere, Agirreren ustez jende ezezagunak haurrekin hitz egiteko duen joera nahiko ohikoa da, eta hori gertatu zaie "Espainia elebakarrera" egindako bidaian. 

Eima katalogoko materietik haur eta gazteentzako euskarazko literatur lanak nabarmendu ditu Fernando Berrizbeitiak. Gainera, nabarmendu du adin tartearen eta gaiaren arabera sailkatuta daudela, eta irakasleek landu nahi duten edukiaren araberako lanak topatzeko erraztasunak dituztela.

Hizkuntza eskubideen inguruan, hainbat gai potolori erreparatzen diogula uste du Aitor Abaroak, baina Aste Santuan txikikeriei erreparatu omen die berak.