Albistegietan aritutakoak, magazinak gidatzen, hauteskunde gauak,  asteroko irratsaioak, erreportaje zein bideoak...#AgurInfo7 tertulia honetako lau gonbidatuekin errez egin genintzazke beste bi tertulia, lan askotan ibilitakoak baitira irrati honetan.   Eneritz Urkola, Malen Aldalur, Ane Urkola eta  Erik Aznal hurbildu dira Donostiako estudiora, Batix Ezeiza telefonoz batu da. Orkestra gidatzen, berriz, Eider Olazar. 

Bereziak izan dira oso azken urteak Katalunian, eta Euskal Herrian interes handiz jarraitu dugu geratutakoa.  Info7 irratiak ere, noski, jarraipen berezia egin dio bertako aktualitate politikoari. Pentsa, 2017-2018 denboraldiko lehen "Kalegorrian" saioa Bartzelonatik egin genuen zuzenean, eta saio berezia egin ere,  Urriaren 1eko galdeketan. Katalunian gertatutako olatua, baina, atzeragotik dator, #AgurInfo7 tertulia berezian Patxi Gaztelumendik #perla hau gogoratu du, 2014ko Diada egunekoa. 

Euskal Herriko gehiengo sindikalak deitutako greba orokorretan apostu berezia egin du info7 irratiak. "Pikete-informatiboa" izena jarri genion jarraipen saio berezi horiei. Goizean goizetik, eskualdeka eta sektoreka egiten genuen errepasoa eta saio bereziari hiriburuetako manifestazioekin ematen genien bukaera.  #AgurInfo7 tertulia berezian Patxi Gaztelumendik 2013ako maiatzak 30eko greba orokorrean egin zuen konexioa gogora ekarri du. Bilbotik, traktore baten gainean. 

Azken asteetan egindako «inurri lana» goraipatu du ariketa soziala hasi den egunean Euskaraldiako koordinatzaile Arrate Illarok. «Inertziekin apurtu eta hizkuntza ohituretan eraginez, aldaketa txikiekin aldaketa handiak» etor daitezkeela uste du. «Norbanakoek egingo dugu ariketa, baina egunerokoan euskal hiztunek ditugun oztopoak gainditzeko entitateen ardura» eskatuko dute. «Entrenamendu bat da, 12.egunetik aurrera ohiturak aldatzeko» gehitu du Illarok

Mastodon sare sozialean euskararen eta euskal kulturaren komunitatearentzat sortutako instantzia martxan da. Sare sozial ezagunekin konparatuz, mastodon sare deszentralizatua da, librea, eta bertako kudeaketa komunitate bakoitzaren esku dago. Ez dago ez publizitaterik eta ezta enpresa handien interesen hatzaparrik ere. Gorka Juliok, Talaios Kooperatibako lagunak, azaldu digu zein abantaila dituen eta nola funtzionatzen duen.

Armintxeko grabatuak egiteko ohikoa ez den teknika bat erabili zuten. 2016an Lekeition, Armintxe haitzuloan 50 bat animalia irudi aurkitu zituzten ADES taldeko espeleologoek. Denak grabatuak ziren, duela 14.000 bat urte ingurukoak.

El repaso semanal de la actualidad nos ha llevado primero al Congreso español, al ficticio escupitajo que recibió Borrel. Después hemos hablado de la renovación del Consejo General del Poder Judicial, del aniversario de la muerte de Franco, también de los aniversarios de las muertes de Santi Brouard y Josu Muguruza. También hemos puesto el foco en el entrenador del Lleida que esta semana ha sido increpado por hablar en catalán. Para acabar, un tema musical de Rosalía, con comentario incluido de esta artista que esta dando muchísimo de que hablar.

Zer da emakumeen aurkako indarkeria? Eta zer egin daiteke egoera iraultzeko mugimendu feministatik, eremu judizialetik, politika instituzionaletik, lan mundutik, hezkuntzatik nahiz komunikabideetatik? Galdera horiexek erantzun dizkigute, arloz arlo, Amaia Zufia Bilgune Feministako kideak, Garbiñe Biurrun epaileak, Larraitz Ugarte EH Bilduko parlamentariak, Arantxa Vazquez LAB sindikatuko ordezkariak, Nagore Iturrioz  STEILAS sindikatuko ordezkariak eta June Fernandez Pikara Magazine hedabideko koordinatzaileak.