Kultur proposamenen tartean Ikusmira Berriak egitasmoaz arituko gara Maialen Goñi Zinea.eus lantaldeko kidearekin. Ikus-entzunezko proiektu esperimentalei zuzenduriko egitasmoak hirugarren edizioa du aurtengoa. Lau proiektu hautatzen dira eta egileei hilabeteko egonaldia eskeintzen zaie euren proiektua garatu dezaten. Aurten, besteak beste, Maider Fernandezen Las letras de Jordi proiektua hautatu dute. Berarekin ere aritu gara hizketan. Amaitzeko, Canneseko festibalean Netflixek aurkeztu dituen bi filmeen inguruan sortu den polemikari erreparatu diogu.

Giorgiuo Bassmati etorri zaigu Donostiako estudiora Oso Fan taldearen lehen diskoa aurkeztera. “21 minutu eta 44 segundu” izeneko lanean pop doinuak bildu dituzte Bassmatik berak eta Oriol Floresek.

Toti Martinez de Lezearen eleberrian oinarrituta animaziozko lan berria ekoitzi du Lotura Filmsek: Nur eta Herensugearen tenplua. Idazle arabarrak eta ekoiztetxeko Miren Berasategirek kontatu dizkigute filmaren ingurukoak.

MAX sariak banatuko dira datorren astelehenean eta KUKAI dantza konpainiak 7 izendapen jaso ditu. Dantza ikuskizun onenaren saria, arte eszenikoen ekoizpen pribatuarena, espazio eszenikoarena (Marcos Morau), jantzi onenen saria (Iraia Oiartzabal), argiztapen onenarena (David Bernues), dantzari onenarena (Martxel Rodriguez) eta dantza antzezle talde onenarena (Jon Maya, Eneko Gil, Martxel Rodriguez, Ibon Huarte, Urko Mitxelena eta Alain Maya). Jon Maya eta Iraia Oiartzabalekin hitz egin dugu sari banaketaren atarian. 

Maletak du izena Kepa Junkera eta Sorginak-en azken lanak, eta larunbat honetan, ekainak 3 (21:30), Andoaingo Bastero Kulturgunean izanen dira. Kepa Junkerarekin hitz egin dugu ikuskizunaren inguruan, Maletak "freskoa, askea eta oso sormetsua" dela esan digu. 

Cannes zine jaialditik bueltan etorri da gurera Kristina Zorita kazetaria. Berarekin errepasatu ditugu edizio honetako harribitxiak eta baita desilusioak ere. Sail ofizialean Loveless ekoizpen errusiarra asko gustatu zaiola aitortu digu Zoritak. Baina pelikula on eta ez hain honen artean ere, izan dira bestelako eztabaidak,  Netflix-en inguruan egondako polemikaren inguruaz aritu gara.  

Rebeka Uberak azpimarratu du "gure hezkuntza sistema golpe izugarriak jasotzen" ari dela. Hezkuntza komunitatea egiten ari den mobilizazioen aurrean, "hezkuntza akordio zabal, garden eta iraunkor" bat erdiesteko helburua duen abiapuntu proposamena aurkeztu du EH Bilduk.

Euskal Kantugintza atalean trikitixari begira jartzen gara Maixa Lizarribarrekin, gaurkoan zehazki trikitixa txapelketak aztertu ditugu. Lehena 1933an egin zen Donostian. Urte askotan horiek izan dira trikitilariak ezagutzera eramateko erakusleiho. Ezagunak egiten al zaizkizu pieza hauek?