Oraingoan, bertsoa eta hip-hopa uztartzen dituen ekimenarekin buru belarri dabil Oskar Estanga bertsolari eta musikari polifazetikoa. “Errimatuz garenera arrimatuz” ekimena aurkeztu berri du Lanku Bertso Zerbitzuak-en eskutik. Nerabeei zuzenduriko proiektu honek, oinarri musikal eta zuzeneko gitarra lagun, bat bateko eta aurrez landutako hip hop kantak ditu oinarri.
Rap-a eta musika elektronikoa uztartzen ditu Revolta Permanent Barakaldoko taldeak. 2014 urte amaieran kaleratu zuten Genesis diskoa eta orduz geroztik geratu gabe dabiltza batean eta bestean kontzertuak eskaintzen. Joan den ostiralean bi kontzertu ere eman zituzten egun berean. Atsedenerako tartea hartu dute oraingoan eta guk hori baliatu dugu eurei tartetxo bat kendu eta taldea ezagutzeko. Iker Villa abeslariarekin hitz egin dugu.
Astelehenero moduan, gaur ere tartea egin diogu zuzeneko musikari eta gurekin izan ditugu Oreka TX taldeko Harkaitz Martinez de San Vicente eta Mikel Ugarte izan ditugu gurean, harrizko txalapartarekin etorri dira gainera. Luze eta zabal solastu dugu beraiekin, txalapartaren jatorri eta etorkizunaren inguruan, munduan zehar dauden bertze instrumentuen inguruan eta Oreka TXri buruz..
Ruper Ordorika gure estudioetara hubildu da “Lurrean Etzanda” bere azken lana aurkeztera.
Duela hiru urte hasi zen ukelelea jotzen ikasten Izaskun Kanga autodidakta. Youtuben euskaraz dagoen eskaintza murritzaz ohartuta ukelele tutorialak euskaraz eskaintzen hasi da eta 50 inguru ditu sarean ikusgai. Euskal kantak jotzen ditu, batik bat, eta ikastaroak eskaintzen ere ari da.
Kalean kantari urteak igaro ostean taberna eta bestelako antzokietan dabil orain Urko Menaia bidelagun Nagore Etxabe duela. Gitarra eta perkusioa hartuta gerturatu zaizkigu estudiora, sortzaile, kantari eta musikariei ostiraletan egiten diegun tartera. Hiru kantu jo dizkigute: “behin betiko” herri kantaren bertsioa eta Menaiaren “JT basque” eta “Hanka bat paradisuan”. Mila esker bikote!
Hainbat sortzaile, musikari eta abeslari gonbidatzen ditugu ostiraletan gure estudiora euren lanen berri eman eta zuzenean kanta diezaguten. Gaurkoan, Aguxtin Alkhat eta taldekide duen Xan Bidegain musikariak hurbildu zaizkigu. Azken honek Willis Drummonden hamar urteko ibilbidea egin duen bitartean Alkhaten proiektuaren parte ere izan da eta beste taldekide batzuekin batera martxoaren 12an kaleratuko dute Haizeen meneko diskoa. “Lehen promozio kontzertua” guri eman digute eta disko berriko kantu bat jo digu zuzenean Aguxtin Alkhatek.
Zuloak eta The Dispositives taldeko abeslari ohiak bere bakarkako lana kaleratu du, “Taniatank”. Bere kantu eta estilo propioa lantzeko nahiak eraman du lan honetara eta lagun izan ditu inguruko hainbat lagun musikari baita Fermin Muguruza ere ekoizpen lanetan. Crowdfunding kanpaina jarri du martxan proiektua finantzatzeko. Asteburu honetan bertan Txantrean eta Irunen eskainiko ditu kontzertuak.
Kantuan aritu gara Kalegorrianen, Andoni Tolosa “Morau” eta Beñado Goietxe izan ditugu gurean. Ez dira esku hutsik etorri: “Arrainentzako Hinmoak” beraien azken lana aurkeztu digute. Inspirazio bide zein duten, diskoa nola ekoiztu duten, nola banatuko duten…kantu kontari aritu gara gustora.
Bide Ertzean taldeak bere bederatzigarren diskoa kaleratu du Gaztelupeko Hotsak-ekin “77” izena du diskoak eta bertan, urte hartan, 1977an alegia, errepide kontrol batean hil zuten Sebastian Goikoetxea dute gogoan. Ezkio Itsason jazo zen gertakari hura, Goikoetxearen batera Nikolas Mendizabal “Zaharra” ere hil zuen poliziak. Sebas, Imanol eta Joni Ubeda anai bikien osaba zen, eurek, Bide Ertzean taldeko kide hauek, 4 urte baino ez zituzten orduan.
Irakurriena