Desde el pasado mes de enero el escritor y periodista Igor Meltxor ha realizado diferentes entrevistas al diputado de ERC Gabriel Rufián. El resultado es un interesante libro para entender las claves de la realidad política catalana.

Napoka Iria deseginda, Mice proiektuan murgildu da Miren Narbaiza eibartarra. Joseba Baleztena eta Ilargi Agirrerekin grabatu du diskoa eta emaitzarekin oso gustora sumatu dugu.

Borobilean du izena Euskal Herriko pailazo ezagunenen azken lanak, Durangoko azokan denen eskura dagoenak. Aitziber Ugartemendia koordinatzaileak proiektuaren nondik norakoak azaldu dizkigu.

Durangoko Turismo Bulegoko Natalia de Naveranek, azokaz gozatu eta bidenabar herrian eta eskualdean ikusi dezakegunaz hitz egin digu. Herrian bertan monumentu eta eraikin historikoak ikusteko ibilaldia prestatuta dute, baita Durango bonbardatu zuteneko aztarnak ezagutzeko ere. Ingurunea paregabea da, Urkiolako parke naturalera joan eta naturaz goza dezakegula nabarmendu digu Turismo Bulegoko kideak.

‘Espainiar Konstituzioa Herrien kartzela-Gora Euskal Errepublika’ lemapean manifestazioa egin du Independentistak Sareak Durangon. Txutxi Arizbanarretarekin egon gara mobilizazio aitzin.

Fermin Munarriz GARAko kideak nabarmendu digu, “Egin” sortu zeneko 40.urteurrenaren karietara sortua izan dela; hain zuzen, egunkari haren musika gehigarri erreferentzialaren izena hartu du lan honek. Berrogei abestiren eta beste horrenbeste talde eta artistaren eskutik, aro baten soinu bandan murgilduko gaitu lanak.

Duela hamarkada bat sortzaileek kaleratutako manifestu batean zioten ez zutela nahikoa euren lanak saltzea. Nahi zutela literaturaz eta musikaz hitz egin. Nahi zutela irakurle eta entzuleek esateko dutena entzun. Nahi zutela euskal kulturaren helburu estrategikoez iritzia eman. Eta hala sortu zen Ahotsenea. Lutxo Egia, egungo arduradunak, esan digunez gune honek ekarpen handia egin die sortzaileei. Goizeko 11tatik 20tara oholtza gainera igoko diren musikarien eskaintza izango da, baina baita galdera erantzunak ere. Gainera, Ahotseneak Landakon duen gunean hausnarketarako parada emango du.

‘Arakistainen bidea’ liburuarekin trilogia bat amaitutzateman du Rodriguezek. Txalapartarekin ‘Magrittek es omen zuen pipatzen’ eta ‘Jeu de Paume’ plazaratu zituen aurrez. Luis Arakistain du protagonistetako bat. Espainiako Errepublikako enbaxadoren izan zen Alemanian besteak beste. Antifaxista frantsesentzat armak erosten lagundu zuen. Giro horretan bere alaba Soria sortu zen, marrakilari surrealista. Bere buruz beste egin zuten Londresko bere etxean. Surrealismoaren bidea irudikatu nahi izan du Rodriguezek: ohiko ikuspegi iraultzaileen aldetik, lehenago egin behar da iraultza eta gero bizitza aldatu. Surrealistek bizitza aldatu lehenengo egin behar dela diote, ondoren iraultza egin ahal izateko.