|2018/06/13 13:11
Pintto txakurra zein alderdi politikotakoa den badakizu? Mirarik azterketa serioa egin du.

Hauteskunde emaitzen inkestak egiten ari dira azken asteotan. Mirari Martiarenak AstoroxaFokus propioa egin du. Baina ez gizakien bozka intentzioari buruz, baizik eta animaliek zein alderdiri bozkatuko lieketen galdegin du. Pintto txakurra esaterako, zein alderditakoa den badakizu?

Loading player...
|2018/05/02 12:26
Idoia Torregarai: «Betaurreko moreari betaurreko umorea gehitzen diogu Barretartian»

Barretartia umore zerbitzuak jarri du martxan Idoia Torregaraik. Umorea bizitzeko hautu bat edo jarrera bat dela uste du Torregaraik, eta tresna horrekin bizitzako arlo askori egin diezaiokegula aurre. Tailerrak, hitzaldiak, topaketak... umorearekin zipriztindu eta ahalduntzeko herramintak ematea du xede Torregaraik.

Loading player...
|2018/04/18 13:03
«Ezkontzen ez direnek ere lanean eztei oporrak eduki beharko lituzkete» dio Mirariren manifestuak

Ezkontzen denboraldia bertan da. Urtean bakarra izatea ez da kaltegarria, ordea arazo bilaka daiteke gehiagotara gonbidatzen gaituztenean. Ez da gauza bera lagun baten ezteietara joatea edota familiako baten ospakizunetara. Arroparekin ere buruhauste handiak eduki genitzazke, batez ere goitik beherako erradiografiak egiten direlako. Guztiaren gainetik balio duena ongi pasatzea da betiere, are gehiago barra librea baldin badago.

Loading player...
|2018/03/21 14:36
«Udaberrian larrua gehiago jotzen da». Bai ala ez?

Udaberria hastearekin bat bertan da ezkontza denboraldia. Bada sei ezkontza dituenik ere, poltsikoari astindu ederra emango dionik. Udaberriak harreman sexualak ugaritzen omen ditu, baina bada kontrakoa dioen ikerketa zientifikorik. Hoberena, erregularra izatea urte osoan zehar, hala dio behintzat Mirari Martiarenak. Gonbidapena, urteko egutegian apuntatu zenbat aldiz jotzen duzuen larrua eta estatistikak aterako ditugu ondoren!

Loading player...
|2018/02/21 12:42
Mirarik txakur bati azpiazuna zerbitzatu zionekoa

Txinatarrek urte berriaren ospakizunei ekin diote. Txakurraren urtean murgildu dira. Horoskopoan badakizu zein animalia zaren? Bada, entzun Mirari Martiarenari. Egun, txakurrei ez zaie Pintto izena jartzen, 'trasmisioan' galdu dela dio txakurlogian adituak. Kritikatu ditu pertsonak baino hobe txakurrak tratatzen dituztenak. Pentsa, zerbitzari lanetan behin idi azpiazuna eman zion txakur bati jabeek hala eskatuta!

Loading player...
|2018/01/24 12:27
'Zoriontsu' izateko Mirariren aholkuak: goizeko 5ean jo larrua!

'Zoriontsu' egingo gaituen gomendioekin etorri zaigu Astorroxara Mirari Martiarena. Goizean tiranahiak egin, bederatzi ordu lo egin, goizeko 5etan larrua jo... Tira, gomendio hauek jarraituta seguru Mirari Pikoketan bezain pozik biziko garela!

Loading player...
|2017/11/29 13:01
Neguarekin bat, hemen da Txapelketitisa!

Espero bezala, #BTN17 kausa nagusi duen Txapelketitisak jota dago Mirari Martiarena. Lau urtetik behin epidemia zabaltzen da Euskal Herrian. Sintoma nagusiak: saioetarako sarrerak gotortutako kaxetan gordetzea, kuadernoa eskuan bertsoen puntuazioak egitea, sare sozialetan iruzkinak etengabe jartzea edota saioetako ateak zabaltzerako han egotea. Baina bada bertsoa gustatzen ez dionik, eta Martiarenak esan digunez antibertso mugimendua aurki hasiko da mobilizazioak egiten.

Loading player...
|2017/11/15 13:53
Mertzeria eta burdindegien ordez, izozki dendak eta hotelak. Mesedez eta faborez!

Donostiako Alde Zaharrean gauzak ez doaz ongi. Beno hala dio behintzat Dolores Mujika 'Dolox'ek. Lehen izozkia jan eta suak ikustea donostiarrekin lotzen bazuten, zer esanik ez orain Alde Zaharrean zabaldu dizuten polo denden ondoren. Baina ez hori bakarrik, Santa Maria elizaren ondoan egingo duten hotelaren aurka egin du gogor Doloxek, auzoko gazteak kanpora joan behar eta bitartean hotelak zabatzea onartezina dela deritzo.

Loading player...
|2017/10/11 13:05
Jatetxeetako bezeroen ikerketa soziologikoa

Urteetan pilatutako esperientzia oinarri, Mirari Martiarenak jatetxeetako bezeroen inguruan mintzatu da Astorroxan. Badira jatetxera ume askorekin joaten diren familiak, mahai inguru luzeak egiten dituztenak, bejetarianoak, mila buelta eginarazten dizkizun bezeroak, propina eskasa uzten dutenak, zerbitzaria euren esklaboa dela uste dutenak edota txisteak kontatzeko eskatzen dizkizutenak.

Loading player...
|2017/09/13 13:42
Ezagutzen duzue urtzen ez den izozkirik? Bada, Mirarik bai!

Astorroxaren tartera batu zaitu Mirari Martiarena. Helatuez, izozkiez, mantekauez aritu zaigu. Izan daitezke kukurutxoan, makiltxoarekin edota ontzitxoan. Martiarenaren aburuz, izozkia jateko moduak pertsona nolakoa den azaleratzen omen du.

Loading player...
Orria 1/ 7