Erik Aznal kazetariak, Josu Martinez zine zuzendaria elkarrizketatu du "Gure sorlekuen bila" dokumentalaren inguruan.  Hazparne, 1956. Ikusmin handia dago: bertako zinema-aretoan Euskal Herriari buruzko dokumental bat estreinatuko dute, euskaraz. Hurrengo hilabeteetan, Iparraldeko beste udalerri batzuetan proiektatuko dute, baita Parisen, San Frantziskon eta Dakarren ere. Laster galduko da haren arrastoa, ordea, eta guztiei ahaztuko zaie dokumentala. Hirurogei urte beranduago, Josu Martinez zinemagilea haren bila hasiko da.

Amama pelikularen soinu banda egin dute Jabi Pezek eta Maite Arroitajauregik elkarlanean. Azken honekin hitz egin dugu prozesuaz. Autoharparekin pare bat kantu ere jo dizkigu zuzenean, Itsasontzi baten kantuaren bertsioa eta Eusnob.

Egunean hiru-lau pelikula, hori da Zinemaldia intentsitatez bizi duten zinema zaleen bataz bestekoa. Gaizka Izagirre, Arantza Santesteban eta Asier Burgaleta zinema zaleak eta ikus-entzunezkoetan adituak diren hiru lagun gonbidatu ditugu. Kalitate aldetik aurtengo edizioa ahulagoa ikusi dute eta ausardia eskatu diote jaialdiari.

Ezinbestekoa gertatzen ari da Amamari Loreak pelikularekin lotura egitea. Lotura hau eurentzat laguntza dela adierazi digu Asier Altuna zuzendariak. Nekatuta baina pozik agertu zaizkigu zuzendaria eta Iraia Elias aktorea. Donostiako Zinemaldia bai, baina ondoren zinemak bete behar direla gogoratu digu zuzendariak. Donostiatik nazioarterako bidea ziurtatua du Amamak, bi jaialditan onartu dute jada.

[ELKARRIZKETA] Walls dokumentala Donostiako Nazioarteko Zinemaldian aurkeztu egin da ZINEMIRA sailean. Gero eta hesi gehiagok banatzen du mundua. Alde batean nahiz bestean daude gizakiak. Ez dago zertan eztabaidatu harresiok zentzugabeak edo logikoak, ezinbestekoak edo saihesgarriak diren: alde bateko nahiz besteko pertsonak funtsean berdinak direla erakustea da gakoa. Erik Aznal gure kolaboratzaileak Pablo Iraburu zuzendaria elkarrizketatu du. 

Gaur Kalegorrian berezia egiten ari gara Donostiako Victoria Eugeniatik. Gaur da Euskal zinearen eguna, eta guk ere gure alea jarri nahi izan dugu. Gure estudioak, Urrunatik  Donostiara  eraman ditugu. Hainbat gonbidatu pasako dira guretik...

Gaizka Izagirrek aitortu digu, sopresa handia eraman duela Perlak Saileko Anomalisa film honekin. Nortasuna, bakardadea eta beldurrari buruzko maisulana iruditu zaio. Stop Motion teknikaz egindako filma da, akaso, ikusle batzuentzako traba izan daitekeena; baina ez du horrela uste Izagirrek. 

Kontseiluak Zinemaldiarekin elkarlanean antolatzen duen Euskaraz bizi nahi dut film laburren lehiaketaren harira eskertza berezia jaso du Zinea.eus atariak. Bi urte daramatza atari honek Euskal Herrian ikus-entzunezkoen eremuan egiten den lana biltzen eta zabaltzen. Euren proiektuaz eta Zinemaldiaz hitz egin dugu Maialen Goñi eta Ritxi Lizartzarekin.