Lehen Mundu Gerran argazkilaritzak izan zuen loraldia nabarmendu digu Jagoba Manterola argazkilariak. Zailtasun handiak izanagatik ere argazkiak ateratzeko, bazen beste erabilerarik eman zionik. Mediku batek usoak erabiltzen zituen sendagaiak bidaltzeko, eta halako batean argazki kamara bat jarri zion. Gerran erabiltzen hasi ziren ondotik, aurkarien posizioak espiatzeko.

Mikel Aramendi y Joseba Agirretxea han reflexionado sobre el llamamiento lanzado ayer por Quim Torra desde Donostia. «Marchemos juntos de nuevo, juntos somos más fuertes y más libres», dijo en el acto organizado por Gure Esku Dago en el Kursaal. También hemos abordado la actitud del Estado español hacia los dos pueblos.

Nazioarteko txapelketetan ofizialki parte hartzeko eskaria egin dio Euskal Herriko Surf Federazioak, ISAri, Nazioarteko Surf Elkarteari. Maialen Saez, EHSFko lehendakariordea izan zen Kalifornian. «Onartua izateko baldintza guztiak» betetzen direla nabarmendu du eta «erantzunaren zain» egoteaz gain, «urratsak ematen» jarraituko dutela. «Bertako surflariei erabakitzeko aukera eman nahi diegu, nahi duenak Euskal Selekzioarekin eta nahi duenak espainiarrarekin lehiatzeko». Haritz Larrañaga surflari eta kazetariak lagundu digu gaiaren dimentsioa zehazten.

Agin Laburuk gidatzen zuen arratsaldero «Bostetako Diligentzia» saioa. Umore saio bat ez bazen ere, umorea oso presente zegoen saio osoan. #AgurInfo7Perlak tartean edizio lan ederra egin du Larraitz Otazo teknikariak eta saioko  txiste onenak bildu ditu. Gure itxiera dela eta egiten ari garen tertulia berezietan jarri diogu muntaia berezia Agini, eta pentsa,  lotsagorritu dugu! 

Urtarrila hasieran Bilbon egiten den giza eskubideen aldeko manifestazio erraldoiaren jarraipena maiz egin dugu Info7 irratian. Batzuetan, La Casillatik, besteetan, Udaletxetik, gure helburua izan da beti manifestazioaren jarraipena egiteaz gain bertaratutakoei ahotsa ematea, hedabide batzuetan kontatzen ez denari argia ematea. Ekhiñe Atorrasagastik 2010eko manifestazioan egindako konexioa berreskuratu nahi izan du #agurInfo7perlak moduan. 

2011ko Korrika Trebiñon hasi eta Donostian bukatu zen, Ilaski Serranok eta Kike Amonarrizek egin zuten amaierako mezua, GOSE taldeak jarri zion doinua eta Euskaltzaindia omendu zen. Info7 irratian jarraipen berezia egin zitzaion Korrikari, Ekhiñe Atorrasagasti aritu zen berriemaile gisa, horrelako kontatu zituen Korrikako azken metroak. Xabier Mendigurenek zeraman lekukoa eta AEK-ko Edurne Brouardek hartu zion lekukoa.

Gabonen atarian egindako agur berezia aukeratu du Ekhiñe Atorrasagastik perla moduan. Albistegietako gidaria zen Atorrasagasti eta albistegi bukaeran agur berezia egin zuen: agur berezia preso eta dispertsatuta zeuden Garikoitz Mugika eta Ion Telleria lankideei. Zetorren urteari ere eskari berezia egin zion Atorrasagastik....bazkide gehiago!

2009ko azaroaren 24an Espainiako poliziak eta Guardia Zibilak Gazte Independentisten kontra makrooperazio bat egin zuten, 36 atxilotu guztira. Hainbat hedabidek zabaldu zuten Ion Telleria  atxilotu zutela Idiazabalen. Informazio okerra zen baina, Telleriak albistea gezurtatu zuen gidatzen zuen «Kalegorrian» saioan, normaltasunez egin baitzuen saioa Martin Garitanorekin batera.