Astero argitaletxeko ordezkariak gustura agertu dira ‘Ametsen liburua’ Durangoko Azokan izaten ari den oihartzunarekin. Bisitariek interesez behatzen dituzte orrialdeak, asko dira berariaz argitalpenaren bila datozenak eta beste asko, standetik pasa ostean, sei kilo eta erdiko liburutzarra besapean dutela etxeratzen direnak. Gaur goizean aurkeztu dute Durangon.

Kultur politikaz eta kultur eragiletzaz, etxe barrukoaz, Olatz Osa eta Anjel Lertxundi. Elkar argitaletxeko arduraduna bata, idazlearen mugetan kokatutakoa bestea. Industria, ekonomia eta merkatua batetik, printzipioak, kulturaren biziraupena eta merkatu menpekotasunetik ihesa bestetik. Alderdi politikoak eta herrigintza, azken hamarkadetako hauspo bibratzaileena. Zifrak eta letrak, zenbakiak eta notak, norantz doan bideragarritasun desiratua.

EKUATORERA AILEGATU DA DURANGOKO AZOKA, BIDAIDE PILA BATEKIN. LEIHO GUZTIETATIK SARTZEN DEN EGUZKIA GIRO POZGARRIAREN ISLA DA. BARNERA GAITEZEN, ORAINGOAN EDITOREEN ESKUTIK.

Hirugarren eguna martxan da Durangoko Azokan eta ekitaldiz beterik dator. Euskaldunon Egunkaria sortu zenetik 25 urte bete direla gogoan izan dute Irudienean aurkeztu duten dokumentalean.

Durangoko Azoka bada, izan delako da. Berrogeita hamar urteko liburu mardul bat da, binilo historiko digitalizatu bat. Kantu koral bat, biografia kolektibo bat. Rocka da, poesia da. Musika da, eta literatura. Baina zerbait bada, plaza bat da. Mende erdiko orubea.

Gogoeten Plaza Durangoko Azokan. Etorkizunaz, gaur. Euskal kulturaren irisgarritasuna, ikusgarritasuna, plaza izateaz eta ez izateaz, Fermin Etxegoien, Eider Rodriguez eta Koldo Almandoz. Musika, literatura eta zinema. Hizkuntzaren pisuaz eta, batez ere, sortzen duen gatazkaz eta gain jartzen dituen galbaheez, ordaindu beharreko bidesariez. Sorkuntza elitista eta jasoa, eta kontsumitzaileek jasotzen dutena, iristen zaiena. Ideiak, gogoetak, asmoak...