Astebete igaro da jada Luhusuko atxiloketek izan zirenetik. Denbora horrek ematen duen perspektibarekin aztertu ditugu gaur Luhusuko atxiloketak Idoia Eraso, Pantxika Arrambide eta Ihintza Arrieta kazetarien laguntzaz.

Antimateria-atomo batek zer argi xurgatzen duen neurtu dutela lehen aldiz, CERNeko ikertzaileek ikertu dute Quark saioan. Urteak zeramatzaten hori lortu nahian, eta ikertzaileek aldarrikatu dute neurketa honek ate garrantzitsu bat irekitzen duela antimateria ikertzeko.

Oraindik joan den larunbatean sentitutakoak kudeatu ezinda omen dago Kontseiluko Paul Bilbao, izan ere, Hizkuntza Eskubideak Bermatzeko Protokoloaren aurkezpena egin zuten Donostian.

Preso politikoen artelanekin erakusketa prestatu dute Usurbilko Sutegi kultur etxean. Preso, iheslari eta deportatuen kaleratzea eskatzeko epizentro bihurtu da egun hauetan Usurbil. Bertan izan gara eta erakusketa bisitatu dugu Maitane Sagastume preso ohiaren laguntzaz.

Astorroxa gure umore tartean aspaldi ez genuela Doloxen bisita izan, eta gogoz jaso dugu. Ligatzeko modu berri bat ere erakutsi digu oraingoan, Tinder aplikazioa. Aitortu digu ordea, ez zaiola gehiago gustatu. Karmenengana joan zaigu San Tomasetan txistorra eta sagardoa hartzera.

San Tomas eguneko azokatik egin zuten zuzeneko saioa atzo Bilbo Hiria irratiko lagunek eta bertan izan zituzen gonbidatuen hitzak ekarri ditu Ane Zabal koordinatzaileak gaurko irratien tartera. Ondoren, Tarana Karimi Antxeta irratiko Aitziber Zapirainek egindako elkarrizketa izan dugu entzungai.

Aurten 10 urte bete ditu Info7 irratiak eta urte berezia izan da guretzako, ospakizun artean pasa zaigu urtea. Baina, hara, iritsi da urte amaiera eta gure urteurrenari agur errateko tenorea. Eta hala egingo dugu, guk hobekien dakigun moduan gainera: irrati saio batekin, noski! Ostiral honetan, 10:00-13:00tara.