Ayer leíamos en prensa que el pleno del Tribunal Constitucional español ha acordado mantener la suspensión del artículo de la Ley de Atención Integral a las Adicciones y Drogodependencias aprobada por el Parlamento de Gasteiz en el que se regulan los clubes de consumidores de cannabis.

Asteko argazkiak tartean Oiartzunek igandean jokatu zuen partiduko hiru argazki ekarri dizkigu Gari Garaialdek. Emakumezkoen futbola eredugarria dela iritzi dio, eredu bat den heinean, bertatik zer ikusi badagoelako. Oiartzungo partiduan gizonezkoen futbolean ikusten ez diren irudiak ikusi zirela nabarmendu digu. Ekarri dizkigun argazkietan tristura eta amorrua dira nagusi.

Esa urtegiaren handitze lanen aurka Iruñean maiatzaren 27an egingo duten manifestaldira jendea hurbiltzeko deia egin du Iker Aramendia, Yesa+No plataformako kideak. Salatu dute urtegia handitzeko lanak asko luzatzen ari direla, eta aurrekontua 5 aldiz biderkatu dela.

NATO Bruselan egiten ari den goi-bileraren aurkako protesta egin zuten asteazkenean KEM-MOC talde antimilitaristako kideek. Bilboko portutik armak irteten direla, eta "bertako ontzioletan gerra ontziak" egiten direla azaldu digu Ander Eguren, tKEM-MOC-eko kideak. 

Gaurtik igandera bitarte literatura arnastuko da Zarautzen Literaturiaren edizio berrian. Larunbatean euskal idazleek aurten argitaratu dituzten hamaika liburu aurkeztuko dituzte Garoa liburudendan. Ana Galarraga antolatzailearen esanetan denetarik argitaratzen da Euskal Herrian eta, beraz, konplexuak kentzen hasteko garaia izan liteke.

Olatukoop ekonomia sozial eta eraldatzailea bultzatzen duen sarearen baitan aurkitzen dugu Zabalduz kooperatibak. Koldo Loran eta Jon Amallobietak gizarte ekimenean egiten duten lana azaldu digute. Olatukoopen “gizartea hobetzeko nahia” duten proiektu anitzak daudela diote, eta eurek, administrazio publikoen zain egon gabe, gizartearen beharrak identifikatzeko lana ere egiten dutela azaldu digute.

Garaiko eta bertako elikagaien errepasoa egiten dugu astero Lierni Elorzarekin eta aste honetan, estreinekoz, hainbat produktu iritsi dira azoketara: azenario eta borraja berria eta oso preziatua den Gernika motako piperra. Udako lehen barazkiak ere aurkituko dituzue azoketan, eta bertako frutari dagokionez gereziak dira protagonistak urteko sasoi honetan.

Errauskailuaren lanak ofizialiki inauguratu zituztenetik duela bi aste, makinek ezer gutxi aurreratu dute Zubietako lur sailean. Halere, azpiegitura honen kontrako herritar mugimendua ez dago geldi eta gaur arratsalderako auto-karabana antolatu dute. Egun potenteena ordea, larunbatekao izango da. Goizean Erraustegiaren Aurkako Eguna antolatu du Erraustegiaren Aurkako Mugimenduak Zubietan eta arratsaldeko 16:00tarako, kasu honetan Gipuzkoa Zutikek deituta, erraustegiaren eta makro-kartzelaren aurkako “martxa nazionala” antlatu dute.