Mikel Jauregik eta Zigor Etxeburuak Andaluziako hauteskunde emaitzak aztertu eta horrek Espainiar Estatuko Gobernuari zein panorama politikoari zertan eragiten dioten iritzi dute. Bestetik, Nafarroako eskuineko oposizioak Skolae hezkuntza programaren kontra hartutako jarrera aztertu dute. Azkenik, gaur Euskaraldia amaitu eta 12. eguna izaki, egun hauetako sentsazioez jardun dute.

Euskal jatorriko Pola Salaberrieta Kolonbiako independentziaren ikurretako bat da. Bere omenez, fusilatu zuten eguna, azaroak 14 Kolonbiako emakumeen eguna da. Abertzale eta Kolonbiako independentzia zale sutsua, matxinatuen aldeko informazioa jaso eta ezkutuko sareetan banatzen aritu zen besteak beste.

Hemos valorado el escenario político postelectoral en Andalucía con Nestor Salvador, secretario de coordinación del sindicato SAT. Explica que «en diferentes ciudades de Andalucía va a haber una respuesta del movimiento antifascista» y recuerda que «Santiago Abascal y VOX vienen del PP. Esa extrema derecha estaba ahí». El representante del SAT afirma que «Adelante Andalucía no planteó una oposición al régimen del PSOE» y que «mucha gente ha vislumbrado una opción de cambio en Vox y Ciudadanos».

Hiphop eta jazz estiloari eskainitako Revolutionary grooves saioa izango dugu. Daddyjeffek 90.hamarkadako hiphopa eta jazzaren arteko fusioa egiten zuten artista eta talde esanguratsuenak entzuteko aukera eman du: Money Power & Respect, Big L, J-Live, Cam¥ron, Cormega, Noreaga, Mr Gruff, Q-Tip, Ghetto Staar, Quee Teen, Pharohe Monch, Mega Blast…

Ingalaterrako Haken taldearen "Vector" diskoa izan dute protagonista, nazioarteko nobedadeen artean. Skull Fist, Rhapsody Of Fire, Artillery eta Hitten banden berriena ere eskaini dute. Herriko Burdina atalean, berriz, Bizkaiko Auritz taldearen "Laino Eder Hori" disko-liburua nabarmendu dute, Robert Rodrigo Band, Kudai eta Orion Child banden doinuekin batera.

Bat egin heavy metalarekin!

Euskararen nazioarteko eguna izateaz gain, gaur aniztasun funtzionalen nazioarteko eguna ere bada. Kirol egokituen Gipuzkoako federaziora jo dugu Bizipozaren laguntzarekin. Amaia Elizondok esan digunez, guztiok ditugu gaitasun eta ezgaitasun ezberdinak. Konnotazio negatiboak albo batera utzi eta aniztasun funtzionala duten pertsonek gainerako herritarren aukera berdinez gozatzeko aukera sustatzen dute, kirolaren bidez.

Euskal Kantugintzaren baitako bere azken atala egin du gurean Andoni Tolosa 'Morauk'. Agurrean oinarrituz, Oskarbi, Soroak, Enarak, Estitxu eta Daikiris, Atahualpa Yupanki... eta ezustekoren bat ere entzun dugu Tolosarekin. Esaterako, 'Herri Gogoa' disketxekoak AEBtara joan eta William S. Fischer musikariarekin hain ezagunak diren 'Gurea Da' edota 'Euskaldunak Gara' kantuak, garaian modan jartzen ari ziren musika dantzagarrietara eraman zituzten.

Kike Amonarriz soziolinguistarekin izan gara gaur goizean «Euskaraldia, 11 egun euskaraz» ekimenari amaiera jarriko zaion Euskararen Nazioarteko Egun honetan. Ariketa soziala amaitzear dela Amonarrizen sentsazioa «oso, oso ona» da, bai parte hartzaileen kopuruagatik, baita euskararen inguruko egiturarik ez zegoen leku askotan sortu egin direlako ere. Orohar, «leku dexentetan entzun det egun hauetan ez zutela sekula ikusi horrenbeste jende bilduta eta lanean euskararen inguruko egitasmo batean».