Ariketa hori bera egiten ari dira gaur eta bihar Tabakalera arte garaikideko zentroan Hizketaldi Handia jardunaldiaren baitan. Tabakoa, azukrea, kafea eta kakaoa bezalako lau bizigarri oinarri hartuta gogoeta egingo dute hainbat artista, idazle, ikerlari eta irakaslek. Ekimen ireki eta esperimentala da. Praktika artistikoak arazoak modu original batean planteatzeko tresna gisa balio dutela aipatu digu Oier Etxeberria Tabakalerako proiektu artistikoen arduradunak.