“Ni ere Egin-ekoa naiz” esan du askatasuna berreskuratu bezain abudo Salutregik kartzela atarian.
1998ko uztailaren 15ean eman zuen Baltasar Garzonek, orduan Espainiako Auzitegi Nazionaleko epaile zenak, Egin egunkaria eta Egin irratia ixteko agindua. Ondoren etorri zen 18/98 makrosumarioaren kontrako epaiketa, 2005eko azaroan.Guztira 38 lagun zigortu zituen Espainiako Auzitegi Gorenak.18/98 makrosumarioaren barruan epaitu zuten Orain SA sumarioa, Egin egunkariaren argitaratze enpresa eta haren arduradunak. Berriki geratu dira libre epai horretako hainbat herritar: Xabier Alegira, Jose Luis Elkoro, Carlos Trenor, Teresa Toda, Manuel Intxauspe, Isidro eta Patxi Murga anaiak, Isidro Murga, Jexux Mari Zalakain, Pablo Gorostiaga. Gaur askatasuna berreskuratu du Jabier Salutregin, baina espetxean jarraitzen dute Joxean Etxeberriak eta Karlos Trenorrek.