Euskal Herrira iritsi da Emakume Mundu Martxako karabana. Tafallatik abiatu eta Iruñea du gaur helburu. Katallin Minerrek EMMko ordezkariak eman dizkigu xehetasun guztiak. Kurdistandik dator karabana, eta pozik, indarrez eta ilusioz hartu da lekukoa Euskal Herrian. "Aliantza internazionalisten ikuspegia indartu nahi du martxa honek, tokian toki, emakumeek dituzten borrokak saretzea". Minerren iduriz, bost urtetik behin egiten den martxa honek indarberritze bat ekarri ohi du mugimendu feminista, eta hala izan da aurten ere.