Andres de Urdaneta eta Miguel Lopez de Legazpi ezagutu ditugu. Elkanoren bidaiak 3 urtez luzatu zen, baina bidai horrek eragin zuena bitxia da. Ibilbide berri bat aurkitu zen Espezien Uhartera iristeko, baina itzulerako bidaia ordea arazo bat zen, Hego Afrikatik pasatu behar baitzen eta portugesen menpe zegoen lurraldea. Saiakera ugari ezin ziren 50 urtetan, eta Ander de Urdanetak lortu zuen itzulerako ibilbe berria.
Manuel de Iradier, gasteiztarraren berri ere izan dugu. Bere ametsa Esperantza Oneko lurmuturretik (Hego Afrika) Libiaraino oinez joatea zen baino Stanley esploratzaile eta kazetari ezagunak ohartarazi zion gehiegizkoa zela bidaia hori, eta gaur egungo Ekuatore Gineako lurraldea esploratzeko aholkatu zion.
XX. mendera ere hurbildu gara. Julio Villarrek 1968-1972 urteen artean munduari buelta eman zion, itzulia bakarka egin zuen lehen euskalduna izan zen (Bartzelona -Lekeitio). 25 urterekin hasi zuen abentura Mistral izeneko ontzian: Bartzelona – Antillak -Karibea – Panamako kanala/ubidea- Galapago Uharteak – Hebridak Berriak- Zeelanda Berria – Australia- Madagascar eta Mozambike / Lurmutur hiria- Santa Helena Uharteak-Brasil eta Lekeitio Eh Petrel! Liburuan bere bizipenak daude kontatuak.
Gaur egun, hasierako abentura edo espedizio horiek kirol froga bihurtu dira. Besteak beste, hor daude BOC/VELUX 5 ozeano lasterketa (bakarkako lasterketa) edo Vendee Globe (geldialdirik gabeko bakarkako lasterketa). Euskal ordezkaritzarik ere bada bertan, Jose Luis Ugarte lehen euskalduna 1992-1993 edo Unai Basurko 2008.