Altsasuko gazteen kontrako epaiketaren seigarren auzi saioa ospatu da gaur Madrilgo auzitegi berezian eta aurreko astean egin genuen bezala, gaur ere auzi saioak eman dituen gako nagusiak bildu ditugu Martxelo Diaz GARA egunkariko kazetariaren laguntzaz. Aurrreko astearekin alderatu prentsak epaiketari harreta gutxiago eskaini dion arren, auzi-saio garrantzitsua izan da gaurkoa, besteak beste, akusazioa Altsasun gertatutakoa terrorismo delituarekin lotzen saiatuko delako.