Ekainaren 11n Gipuzkoako Eskola Txikien festa ospatuko da Arroan. Gaur egun 26 eskola txiki daude Gipuzkoan, 1100 ikaslerekin. Arroa Zestoan dago; auzoko eskola txikiak 65 ikasle ditu, 2002an 24 zituen, eta datorren ikasturtean 71 izango dira, inoizko kopururik handiena. Mezu nagusia argia da: herri txikiak biziak izan daitezen beharrezkoak dira eskolak. Jexux Albisu Arroako eskolako zuzendariarekin eta Kepa Iribar Sakulupe guraso elkarteko kidearekin izan gara.