GuraSOS elkarteko Joseba Belaustegik ohartarazi digunez, EAEko Auzitegi Nagusiaren erabakia ez da "helegitearen mamian" sartzen, hori Donostiako epaitegiak ebatziko du. Oraindik auzibide gehiago daude ebazteke epaitegietan. Belaustegik uste du Gipuzkoako Aldundiak erraustegiko lanak lizitatzen baditu, ondoren ziurrenik epaitegiek adjudikazioa bertan behera utzi eta enpresei kalte-ordainak eman beharko dizkiela. "Erruleta errusiarra da hori" aipatu du GuraSOSeko kideak. Kalera ateratzeko garaia dela uste dute eta otsailaren 19rako deitu dute manifestazioa Donostian.