Sasoi Ilunak taldean aritu ostean bakarkako bideari ekin zion Txuma Murugarrenek eta orain bidaide berriarekin dator bere azken lanean. Angel Unzu gitar jotzailearekin batera kaleratu du “14 abesti eta hamahiru istorio txiki” diskoa. 2000. urtean du jatorria lan honek eta lanak banatuta datoz gainera Unzu eta Murugarren. Azken hau kantuen hitzak idazten aritu da gero kantatzeko eta Unzu berriz, soinuan zentratu da. Uztarketa horren emaitza da kaleratu duten diskoa.