Diputazioaren kolorearen arabera, erraustegiaren proiektua berpizten da. "Nahikoa da. Ariketa osasuntsua bultzatu eta galdetu gaitzatela ados gauden ala ez" esan du Rivadeneyrak gurean. Horrelako "polemika pizten denean, egokiena herriak erabakitzea" dela aldarrikatu du. Ikusirik Gipuzkoako Hondakinen Kontsortzioak edota Gipuzkoako aldundiak ez duela halakorik egingo, Usurbilgo udalak ardura hori hartzea nahi dute. "Aurreko legealdian galdetu da udalerri batzuetan hondakinen kudeaketaz, baina gai zentralaz, erraustegiaz ez dute galdetu" errefusatu du kontsultaren aldeko taldeko kideak.
Usurbildarren eta Zubietarren iritzia erraustegiaren ardura duten erakundeei helaraziko diete ondoren. Halaber, gainontzeko herriei erraustegiari buruzko galdeketak egitera animatu ditu Rivadeneyrak.