Bueltan dira Gorka Urbizu, Imanol Ubeda, Haritz Beristain "Txiki" eta Mariano Goñi. Hamar urteren ondoren laguntasunak eta musikari bezala aberasteko nahiak elkartu ditu Berri Txarrak, Bide Ertzean, Kashbad eta Balerdi Balerdi taldeetako kideak. Zazpi kontzertu eskainiko dituzte eta ondoren printzipioz berriz desegingo da Peiremans taldea. Lehen hitzordua ostegun honetan dute Bilboko Kafe antzokian.