Hezkuntzako langileak dira eta argi dute euren lan eskubideen alde egiteaz gainera haurren eskubideen alde ere ari direla. Greba eguna da gaur Araba, Bizkaia eta Gipuzkoako unibertsitatez kanpoko hezkuntza publikoan, %80ko jarraipena izan duena sindikatuen arabera. Irakasleez gain, kalera atera dira haurreskoletako eta hezkuntza bereziko langileak baita sukaldari eta garbitzaileak ere.