Omenduaren testu batzuk irakurriko dituzte bertan, eta musika ere ez da faltako. Edozein kasutan, oroitze-ekitaldia ez ezik errebindikatze-ekitaldia ere izango da. Izan ere, XX. mendeko bigarren zatian, nekez aurkituko da euskal kulturan Txillardegi bezain egile erabakigarririk, eta, hala ere, bere jaioterrian, hau da, Europar Hiriburutza estreinatzear dagoen Donostian, oraindik ez dago Txillardegiren izena daraman kale-plazarik, ez biblioteka edo beste eraikin publikorik. Omenaldiaren prestakuntzan buru-belarri ari den Fito Rodriguezekin hitz egin dugu guk.