Gauzak ez dira asko aldatu eta Asteko Klasikoarekin hasi dugu urte berria. Ondoren Keith & Tex-en single berria entzun dugu. Haritik tiraka joan gara eta The Upsttemians, Los Tremendos Corquettes eta The Titanians entzunteko parada izan dugu. Amaitzeko Zartako-k ren abesti pare bat entzun ahal izan ditugu.

Beleixe irratiko esatari Maider Betelu batu da gaurko irratien tartera eta Sakanako albisteak ekarri dizkigu.

Asteko argazkiak atalean "fedea" jarri digu gaitzat Irantzu Pastor argazkilariak eta horrekin lotutako lau argazki ikusgarri ekarri dizkigu. Lehena, irekitzen hasi den Atlantikoko izotz plakarena, bigarrena, Bulgariako gabon erritua, hirugarrena, San Miguel santutegirako igoera eta azkenik, Serbiako errefuxiatuena.

Gauzak ez dira asko aldatu eta Asteko Klasikoarekin hasiko dugu urte berria. Ondoren Keith & Tex-en single berria entzungo dugu. Haritik tiraka joango gara eta The Upsttemians, Los Tremendos Corquettes eta The Titanians entzunteko parada izango dugu. Amaitzeko Zartako-k ren abesti pare bat entzun ahal izango ditugu.

Jaurlaritzak hartu nahi duen erabakiaren kontra agertu dira sindikatuak eta hainbat alderdi politiko, Gutxieneko Soldatan bezala Diru Sarrerak Bermatzeko Errentak ere %8ko igoera izan behar duela uste dute. Euren argudioak eman dizkigute LABeko Bea Martxuetak eta ESKko Iñaki Carrok.

Sabino Arana, Dolores Ibarruri eta Tomas Zumalakarregi Bilboko kale izendegitik kentzeko proposatuz mozioa aurkeztu zuen PPk, azkenean atzera bota badu ere. Oposizioa hasieratik kontra agertu da, EH Bilduko zinegotzi Aitziber Ibaibarriagarekin hitz egin dugu.

Urte berriarekin jendeak asmo berriei heltzen diela ekarri du gogora EHE Euskal Herrian Euskarazeko Koldo Zaratek.

Ikus-entzunezko produktuen hizkuntzez hitz egin du Eneritz Albizuk gaurkoa. Espainiako telebista publikoak 'Loreak' filma eskaini baitzuen gaztelaniara bikoiztuta eta horrek polemika eragin baitzuen.