"Baztandar guztiak elkartu eta oso giro berezia sortzen da, nortasun handikoa". Hala esan digu Garazi Arretxeak, Baztandarren Biltzarreko antolakuntzako kideak. Auzolanean eraikitako besta da, parte hartzea handia da bai, baina antolakuntzan "hutsune nabarmena" dute. Baztandarrek konpromisoak ez badituzte hartzen jaiaren antolakuntzan, "bertan behera utzi beste erremediorik" ez dutela esan digu Arretxeak. Bilera baterako deia egin dute Elizoondo hilaren 29an, eta erantzunaren araberako neurriak hartuko dituzte.