25 urte bete ditu Donostiako Bagera elkarteak. Euskararen eta kulturaren alde urte guzti hauetan aritu diren lagunekin batera egun osoko festa ospatuko du bihar elkarteak. Ainara Vazquez eta Olatz Beobidek esan digutenez, merezi duten aitortza egin eta arlo guztietara iristea dute xede. Antzoki Zaharrean hasiko dute ibilbidea eta handik San Telmo museora joango dira bertan ekitaldia baitute. Ondoren Zurriola ikastetxean bazkariaren bueltan bertsolari eta bakarrizketak izango dira.