Jarauta kalearen eta Kale Nagusiaren artean, Kondestable jauregiaren atzealdean dago Piparrika herri baratzea. Hiriko mugimenduaren erdian kokatzen da txoko berezi eta lasai hau. Ez da ohiko baratze bat, auzotarren artean kudeatzen dute modu ekologiko batean. Piparrikako Amaiak kontatu digunez, erabakiak modu amankomunean hartzen dituzte. Uztatik haratago parte hartzeak sortzen dituen harreman sozialak, kontsumo osasuntsu eta ekologikoa eta genero perspektiba dituzte helburu.