Lan munduak eman dio oraingoan bultzada ekainaren 5ean Goierrin izango den erabakitze festari. Alabaina, Goierriko galdeketari ez ezik, Debagoienan, Azpeitian, Aramaion eta Ispasterren egun berean deituta dauden galdeketei babesa adierazi diete; "eta etorriko diren guztiei, animatu nahi ditugu denak" esan digu Pajaresek. Erabakitze eskubideak duen garrantzia azpimarratu eta horrekin egin dute bat. Ez soilik lurralde egituraketaren inguruan, "bizitzako alor guztietan aplikatu behar da erabakitzeko ahalmena". Pajaresek adibide bat ere aipatu digu, puri-purian dagoena: "Arcelorrek erakutsi digu erabakia zenbat eta hurrunago hartu, ondorioak kaltegarriagoak direla. Guk langileon eskubideen erabakietan parte hartu nahi dugu, Euskal Herritik".