Gasteizen 1976ko martxoaren 3ko sarraskiak pantaila handira eramateko grabaketa lanetan dabiltza. Asier Bilbao “Vitoria, 3 de Marzo” pelikulako ekoizle exekutiboak esan digunez, erritmo onean doa grabazioa. Duela 41 urte gertatutakoa da pelikularen errelatoaren funtsa, baina fikziozko familia bat asmatu dute. “Oso harrera ona izan du” aitortu du Bilbaok. Oso bizi dituzte egun haiek grabaketetan parte hartzen ari diren askok. Hasieran, datorren urteko martxoaren 3an estreinatzea zen asmoa, baina atzeratu egingo da.