Miren Amuriza 700,5 punturekin gailendu zen larunbatean Zallako kanporaketan. Finalerdietarako zuzeneko sailkapena lortu du berriztarrak. "Sentsazio onak" ditu larunbatean eginiko saioaz, "behetik gora" egin zuela uste du. "Burbuila batean" egongo balitz bezala, "oso kontzentratuta" egon zen Amuriza. Oholtzan eta sailkapenean emakume bertsolariak erakusten ari diren maila eta presentzia goraipatu ditu.