Horietako zenbait Tolosaldekoak direnez, dinamikaren berri ekarri du Ataria irratiko Iñigo Terradillosek gure irratien tartera. Segidan, Ainhoa Villaverdek 20. Korrikaren azken egunaz egindako kronika izan dugu entzungai. Bilgune Feministako Amaia Zufiarekin 'Bilgune kontari'-n jasotakoak errepasatu ditugu, bereziki, joan den astean Nafarroako parlamentuan emakume torturatuek eskaini zituzten testigantzak. Txapa irrati libreko lagunek Koldo Gilsanzekin hitz egin dute gurasotasunaren metaforaz. Euskal Herriko Antzerkizale Elkarteko Itziar Eliasek apirilaren 17tik 22ra Aulestin Artedramak antolatuta egingo den euskal laborategiaz hitz egin digu. Amaitzeko, Amarauna sareko Irati Brabo batu da hezkidetzaren tartera eta euren sarean sustatzen duten aisialdi ereduaren berri ekarri du.