Estitxu Eizagirrek 'Argia' astekariaren azken alerako landu dituzten gaien aurrerapena egin du, bereziki, Aralarren egin asmo dituzten pisten proiektuak eragindako polemikaz Igor Agirrek idatzitako erreportajea. Eguneko adierazpenen tartera Garbiñe Elizegik Aroztegia auziagatik jarri dioten isunaz Info7 irratian esandakoak ekarri ditugu. Halabedi irratiko Igor Goikoleak Abdullah Öcalanen aldeko nazioarteko martxan parte hartu zuten Maialen Kortabarriari eta Igarki de Roblesi elkarrizketa egin die. Komunikazioaren tartera Kalaka komunikazio parekideko Ilazki Gainza batu da eta 'Loturez askatu' kanpainaz hitz egin du.