Ondoren, Euskal Herriko Bilgune Feministako Saioa Iraolarekin 'Bilgune kontari'-n jasotakoak errepasatu ditugu. Eguneko adierazpenen tartera Samara Velte kazetariak Info7 irratian Alemaniaz eta Europaren eskuineranzko joeraz esandakoak ekarri ditugu. Elkarrizketa nagusairen tartean Orreaga taldeko Naroa Anabitarterekin eta Jesus Arregirekin hitz egin dugu bihartik ostegunera egingo dituzten Politikaldia Nazio Estrategian jardunaldiez. Euskal antzerkigintzaz aritzeko zabaltzen dugun tartean EHAZeko Itziar Eliasek hartu du parte eta Dxusturia konpainiaren 'Karramarroa' bakarrizketa aipatu du. Amaitzeko, Urtxintxa eskolako Iraide Baskaranek euskarari buruzkoak ekarri ditu hezkidetzaren atalera.