Ondoren, 'Gaur8' astekariko Xabier Izagak biharko zenbakiko eduki nabarmenenak aurreratu ditu. Info7 irratiaren hamagarren urtemugaren harira, gaurko eta azaraoren 18rako antolatutako festa bikoitzaz hitz egin dugu Amaia Zurutuzarekin eguneko adierazpenen tartean. Mikel Elorzak Kolonbiako bake akordioaz, indarkeria matxistaz eta Gasteizko Legebiltzarraren osaketaz hitz egin du errepaso kritikoa egiterakoan.  Literaturaren tartera 111 Akademiako Amaia Goikoetxea batu da eta Gotzon Barandiaranen 'Gidariaren okerra' eta Joxe Iriarte 'Bikila'-ren 'Kamaradak' liburuei buruzko iritziak ekarri ditu. Txapa irratiko lagunek Itsaso Pagoagarekin pieza solteen teoriaz hausnartutakoak ere izan ditugu entzungai. Amaitzeko, Ixiar Rozasekin egon gara biharko antolatu duten 8. Proklamaz hizketan.