Jakina da ispiluarena egin ohi dugula pantailaren aurrean; ispilu neuronen eraginez edo, besterik gabe, gogoak hala ematen digulako, ikusentzuleok enpatizatu egiten dugu pantailan gertatzen denarekin. Gauza bera gertatzen da literaturan eta beste hainbat artetan; gure azalaren mugetatik atera gabe, besteren azalean sartzen gara une batez, eta berriz geurea janzten dugunean, hara, zer edo zer aldatu egin da. Magia potajia!