Hasteko, topaketen antolaketan dabilen Xabier Etxeberria Oñatiko gaztetxeko kidearekin hitz egin dugu. Gaur arratsaldeko hitzaldietako batean egongo diren Bilboko OihuK gune autogestionatu feministaren berri ere izan dugu, zehazki bertako kide Arantzarekin solastu gara. Antixenan proiektatuko den Gasteizko gazetxearen inguruko 'Probatu ez duenak ez daki zer den hau' dokumentalaz Ander Abascalekin egon gara. Asanbladetako funtzionamenduaz larunbat goizean egingo duten analisiaz Joxemi Zumalabeko Ainhoa Narbaizak hitz egin digu. Amaitzeko, bihar arratsaldeko erresistentzia tailerren ingurukoak ekarri dizkigu Julio Villanuevak.